Félag íslenskra smíðakennara rekur þennan vef smidakennari.is, en með honum er stefnt að því að ná til allra smíðakennara á landinu með fræðslu um sameiginleg hagsmunamál, umræður, endurmenntun, kennsluefni og upplýsingar um vörur og þjónustu sem þörf er á við kennsluna og rekstur smíðastofunnar.

Nokkuð hefur skort á aðgengi kennara að upplýsingum um hvar efni, vélar og verkfæri til kennslunnar fást. Smíðakennslan nær yfir vítt svið og nemendur fást við mjög fjölbreytt viðfangsefni.

Til þess að styrkja vefinn okkar fjárhagslega höfum við ákveðið að leita til þeirra sem selja vörur eða þjónustu sem nýtist í smíðakennslu og bjóða þeim til samstarfs. Með samstarfi fá þjónustuaðilar góðan aðgang að smíðakennurum til að koma vöru sinni og þjónustu á framfæri en í staðinn styrkja þeir vefinn með ákveðnu fjárframlagi á ári.

Auk þess að mynd eða texti er birtur á forsíðu og/eða þjónustusíðu þá bjóðum við upp á að kynna sérstaklega nýjar vörur eða tilboð þeirra sem eru með mynd.

Markmiðið með smíðakennaravefnum er að vera öflugur upplýsingamiðill og samstarfsvettvangur fyrir smíðakennara og aðra kennara í svipuðum greinum. Þeir sjá yfirleitt um öll innkaup til kennslunnar.

Hvað segir þú og þitt fyrirtæki um að taka þátt í þessu samstarfi með okkur?

Hér eru upplýsingar um þá möguleika sem eru í boði en einnig er hægt að semja um annað ef það hentar betur. Með lið 1 - 3 fylgja 3 línur á þjónustuvef sem lýsa fyrirtækinu auk þess sem við bjóðum upp á undirsíðu með tilboðum eða öðru ef áhugi er fyrir hendi.

Umfang kynningar			Forsíða
1		200 x 50 punkta mynd með tengingu við vefsíðu.	25.000 kr. á ári
2		130 x 50 punkta mynd með tengingu við vefsíðu.	20.000 kr. á ári
3		200 x 30 punkta borði með nafni og tengingu	10.000 kr. á ári
4	Aðrir möguleikar eftir samkomulagi

Hafðu samband ef þú hefur áhuga!